Tiätusyejiváldálii toimâttâh

Tiätusyehiváldálii toimâttâh torvee tuu vuoigâdvuođâid já rijjâvuođâid persovntiäđui kieđâvušmist

Tiätusyejiváldálii toimâttâh kocá tiätusyejilahâasâttem nuávdittem já ulmui tiätusyejivuoigâdvuođâi olášume.

Juáhháást lii vuoigâdvuotâ jieijâs persovntiäđui suáján. Tiätusyeji lii vuáđuvuoigâdvuotâ, mii torvee ulmuu vuoigâdvuođâi já rijjâvuođâi olášume persovntiäđui kieđâvušmist. Tiätusyeje tárguttâssân lii čäittiđ, kuás já maht persovntiäđuid puáhtá kieđâvuššâđ.

Tiätusyejiváldálâžžân tuáimá Anu Talus. Išetiätusyejiváldáliih lává Annina Hautala já Heljä-Tuulia Pihamaa. Tiätusyejiváldálâš já išetiätusyejiváldáliih láá pargostis jiečânâsah já sorjohánnáá.

Persovntiäđuh láá ovdâmerkkân tuu nommâ, puhelinnummeer, persovntubdâldâh, muáđui kove já puhelin IP-čujottâs.

Registertuállen kočoduvvoo ornijdume, mii miäruštâl, ete mondiet já maht persovntiäđuh kieđâvuššojeh.

Registeristum kočoduvvoo olmooš, kiän persovntiäđuid registertuállee kieđâvuš.

Priivaatolmožin tun puávtáh leđe ohtâvuođâst tiätusyejiváldálii toimâttâhân iärásij juávhust talle, ko

  • ornijdume ij lah táttumist peerusthánnáá olášuttâm tuu tiätusyejivuoigâdvuođâid
  • tun lah hoksám vááijuvvuođâ monnii ornijdume persovntiäđui kieđâvušmist
  • tun tarbâšah ravvim tiätusyejiaašijn.

Ornijdumeh pyehtih leđe ohtâvuođâst tiätusyejiváldálii toimâttâhân iärásij juávhust talle, ko

  • ornijduumeest lii tábáhtum persovntiäđoid kyeskee tiätutorvoluávkkám
  • ornijdumán lii nomâttum uđđâ tiätusyejivästideijee tâi tiätusyejivästideijee ohtâvuotâtiäđuh nubástuveh
  • ornijdume kalga ovdil persovntiäđui kieđâvuššâm algâttem kuullâđ tiätusyejiváldálii toimâttuv, ko kieđâvuššâm tovâččij ollâ riiskâ registeritum ulmui
  • ornijdume taarbâš almos ravvim monnii tiätusyejikoččâmušâst.

Tiätusyejiváldálii toimâttuv ohtâvuotâtiäđuh

Kollimčujottâs: Lintulahdenkuja 4, 00530 Helsig
Postâčujottâs: PL 800, 00531 Helsinki
Puhelinkuávdáš: 029 566 6700
Kirjimkonttur:  029 566 6768
Šleđgâpostâ (kirjimkonttur): tietosuoja(at)om.fi

Riehtiministeriö torvoviestâ lii torvolâš vyehi toimâttiđ ärgiluándugis tiäđuid já tiäđuid, maid kalga toollâđ syeligâsâst, tiätusyejiváldálii toimâttâhân.

Riehtiministeriö torvoviestâpalvâlus (suomâkielân)